أنا قررت قرار
طول الفترة اللى فاتت بعمل شئ غبى فشخ
بعد ما أروح فى الشغل أقعد أفكر فى كل اللى بيضايقنى وكل اللى حصل بضنى هناك
واقعد أفكر فى المعرصين اللى بشتغل معاهم
وده مش حاجة كويسة
لازم أتقبل إنى بشتغل مع معرصين عندهم حرمان ومشاكل جنسية مع مراتتهم تخليهم زبالة و بيريلوا و بيرخصوا  فى هزارهم سوا بغض النظر بقى فيه بنات قاعده مفيش
\طبعا الأمراض النفسية مش هتاخد الأذن عشان تظهر
طبعاً برده لازم نعترف انهم عندهم عقد نقص وعشان انا لسه جديدة ومعنديش الأمراض النفسية اللى عندهم ومش بضينة زيهم فبيحاولوا طول الوقت يبضنونى
انا بقى مش هحصر حياتى ما بين الشغل و الكلام مع عمرو وبس
هارجع لحياتى وللحاجات اللى بحبها و مش هبطل تانى أكتب حتى لو اى كلام

أنا ليه بطلت أجى هنا أقول اللى مضايقنى بس حتى
أكيد جزء كبير من إحساسى بإنى مشتتة وإنى مش حاسة بأى قيمة لأى يوم بيعدى عليا من ساعة ما اشتغلت بسبب انى بعدت عن هنا
بطلت أقول اللى جوايا ببراح وانا عارفقة ان البلوج مش هيقفل الصفحة فى وشى مثلا ويقولى بطلى هرى
عادى ممكن اهرى و اشتم وابعبع ومحدش هيقولى كلمة
انا هلتزم كل يوم بإنى أجى أقول هنا حاجة
حتى لو سطر واحد

كونى مبجيش هنا كتير حاجة وحشة مضايقانى من نفسى
محسسانى انى كنت بدعى هنا ماكنتش بحاجة حقيقية للظهور هنا زى مانا
مش عارفة مش عاوزة انظر بس من ساعة ما اشتغلت وانا مش بعمل حاجة غير انى انام بعد ما ارجع من الشغل
مش بخرج كتير مبعملش حاجة تفيدنى
  انا محتاجة شغف حقيقى
محتاجة ألتزم بحاجة بحبها وأبقى مكملة فيها عشان انا مبسوطة وانا بعملها
بقالى 6 شهور فى الشغل
اى نعم قبل الشغل ماكنتش مقطعة الدنيا من النشاط والحماس بس على الأقل كنت بحس ان اليوم بتاعى ابرطع فيه بمزاجى
وصحيح كنت بتذمر طول الوقت من الفراغ اللى انا مبحاولش اغيره حتى
بس لما اضيع وقتى بمزاجى غير اما يضيع غصب عنى
انا عاوزة اقوم اشرب نسكافيه و اسرح شعرى واعمل حاجة فى اى حاجة
وهنزل اشترى الفستان عالمغرب كدة