TIME PASSES AWAY

I'm not crying.

فى رثاء نفسنا

خلينا منبصش لأسباب البُعد، لكن نبص أكتر للبُعد نفسه كسبب

خلينى أفرح بالحاجات الحلوة اللى إتبقت و خلاص.

أكيد الحاجات الحلوة مش هيمررها ابدا تراب المسافات ولا هيبوظها شوية هوا باردين عشان بتوحشنى ومش لاقياك

يمكن ساعات الضيق و الزهق و الوجع بيخلينى ابص للحاجات بشكل أسوأ و أكبر الوجع لحد ما يغرقنى لكن بفوق بعد شوية من الخوف ان حتى اضيع اللى اتبقى بالصدفة

الحمدلله اننا ساعات بننسى حاجات حلوة مع الناس و الناس بتنسى معانا حاجات حلوة

   الصور اللى بتتاخد عز المحبة و الهدايا الصغيرة لحظات الود 

ساعات الحكى الطويلة و الحب الواصل لكل فتفوته جعانة 

كل ده بيصبر ع البُعد ساعة و ساعة هننسى اكيد كل اللى بيروحوا

الوجع هيخلص و الأسئلة

هيتبقى نقط بتقفل كل النهايات المفتوحة و الأمل المتبقى 

هيتبقى يمكن ضحكة امتن لها و اقول فى سرى الحمدلله انهم كويسين 

 هييجى يوم ميبقاش فيه حزن ولا عين مدمعة بتسأل فى شوق إمتى هنتقابل بقى

هنبطل نستنى الصدف المترتبة و المواعيد المعلنة و الصحاب اللى فى النص 

مش هيتبقى غير شوية حب ملناش فيهم حيلة و شوية رضا لما نسيب الدنيا تاخدنا فى تلاهيها و تمشى و تسيبنا نمشى و احتمالات جديدة بفرح جديد و ذكريات سعيدة طول الوقت