i'm losing my peace of mind and that's terrifying

دى أكتر فترة متوترة فيها فى حياتى

المفروض أترجم حاجات كتير فشخ مبعوتالى وانا بطة بلدى زى ما كلنا عارفين شايلة هم الحاجات دى ومش بترجم ترجمت قصة واحدة محتاجة تتراجع كمان من بين 20 نص تانيين

الفكرة انى ابتديت متأخر 

ابتديت وانا عندى 24 سنة ، وبحاول أحسس عالسكة وهمشى فين، متأخر أوى انى ابقى بحسس عالطريق دلوقتى، بس خليا نتكلم عن الواقع شوية، الواحد مبيعرفش نفسه فجاة كدة، اللى أخرنى انى كنت قافلة على نفسى كتير وأوى

يمكن لو كانت حياتى مفتوحة أكتر وفيها بنى ادمين أكتر كنت عرفت نفسى أسرع وخلال تجارب أقصر، يعنى فكرة الزنقة فى محيط محدد واتمووسفير واحد 

دلوقتى انا مش نفس الكائن اللى بيخاف من تجمعات الناس الكتير اللى ميعرفهمش

بقى عندى الجراة أقعد فى مكان فيه ناس بتتكلم كلام مش مستمتعة بسماعه ولا عاوزة اشارك فيه ومبقاش مبضونة وابقى بقتنص اللحظات الصغيرة اللى ممكن اهزر فيها واضحك 

بقيت بتأقلم على كل أنواع البشر واللى خلانى اكتشف القدرة دى زمايلى المعوقين فى الشغل

انا بقيت بهزر معاهم عادى وبقيت معنديش مشكلة فى تواجدى معاهم فى نفس المكتب لمدة 7 او 8 ساعات

بس لسه عندى شوية مشاكل تانية

لسه مش جريئة كفاية مش برمى نفسى فى الحاجة وانا معنديش مشكلة اقع ولا اغلط ولا افشل

بخاف مبقاش قد الحاجة وممكن خوفى يخلينى ابعد عنها خالص ومديش نفسى الفرصة حتى اجرب نفسى حتى 

دلوقتى ف 3 فرص شغل ممكن يتفحتولى

مقدمة فى واحدة منهم وماشية ف التانية ودكتور منار مرشحانى لشغلانة فى معهد جوتة

الموضوع موتر لأنى مش عاررفة بالظبط انا هعمل ايه

كل شغلانة من التلاتة ملهاش علاقة بالتانية كل واحدة فى شكة مختلفة خالص 

مش عاوزة اتحط فى مأزق وجودى

انا خايفة فعلاً وعاوزة أجرى أستخبى